რჩევები

ავტომობილში და არა მხოლოდ, სტარტერი ძრავის ერთ-ერთი მთავარი შემადგენელი ნაწილია. სტარტერის მთავარი ფუნქცია ავტომობილის დაქოქვაა. სტარტერი ძირითადად შიდაწვის (საწვავზე მომუშავე) ძრავებში გამოიყენება და მისი ფუნქციაა ძრავს დაეხმაროს ამუშავებაში რადგანაც ძრავს თავისით დატრიალება და ფუნქციონირება არ შეუძლია. სტარტერი ფაქტობრივად შუამავლის როლშია ძრავს და ავტომობილის მძღოლს შორის. ძრავის ამუშავების შემდეგ, სტარტერს თავისი ფუნქცია შესრულებული აქვს და ძრავა დამოუკიდებლად განაგრძობს ფუნქციონირებს.

იმ შემთხვევაში თუ კი სტარტერი დაზიანებულია, ხშირად მძღოლები, სხვების დახმარებით მანქანის დაგორებას ცდილობენ რაც იგივე მოქმედებას ასრულებს რასაც მუშა მდგომარეობაში მყოფი სტარტერი, ანუ ძრავში შიდაწვის პროცესების დაწყებას.

სტარტერის დაზიანების ნიშნები:

ძრავის არ დაქოქვა ყველაზე ხშირი ნიშანია დაზიანებული სტარტერის, თუმცა ვერ დაქოქვის სხვა მრავალი მიზეზიც შეიძლება იყოს, მათ შორის ძრავის კომპონენტების დაზიანება, დამჯდარი აკუმულატორი და სხვა, ამიტომ აუცილებელია დიგანოსტიკის გავლა რათა პრობლემის ზუსტი მიზეზი დადგინდეს და ტყუილუბრალოდ არ გამოცვალოთ სტარტერი ან სხვა ნაწილი.

თუ კი ძრავა გაჭირვებით იქოქება, ამ შემთხვევაში უფრო დიდი შანსია სტარტერის პრობლემის ვიდრე პირველ შემთხვევაში, თუმცა ამ შემთხვევაშიც აუცილებელია ავტომობილის დიაგნოსტიკის გავლა.

ხახუნის ხმა როდესაც ძრავს ამუშავებთ. ალბათ გაგიგიათ ხახუნის ხმა გასაღების გადატრიალებისას? ესეც ერთ-ერთი ნიშანია დაზიანებული ან მწყობრიდან გამოსული სტარტერის.